Այսօր Բրյուսելում հանդիպել են Ադրբեջանի նախագահ Իլհամ Ալիևը և ԵՄ խորհրդի նախագահ Շառլ Միշելը։
Ադրբեջանական լրատվամիջոցները հայտնում են, որ հանդիպման ընթացքում կողմերը գոհունակություն են հայտնել Ադրբեջանի և Հայաստանի միջև հարաբերությունների կարգավորման գործընթացի բրյուսելյան ձևաչափի վերականգնման կապակցությամբ։ Ալիևը շնորհակալություն է հայտնել Միշելին այս ուղղությամբ գործադրած ջանքերի համար։
Զրուցակիցները քննարկել են ադրբեջանա-հայկական հարաբերությունների հետ կապված վերջին զարգացումները, Վաշինգտոնում ընթացող բանակցությունները, ադրբեջանա-հայկական սահմանին տիրող իրավիճակը, ինչպես նաև Ալիևի, Միշելի և Հայաստանի վարչապետ Նիկոլ Փաշինյանի մասնակցությամբ այսօր կայանալիք բանակցությունների օրակարգը։
.gif)
