Երևանի «Ուրարտուի» կիսապաշտպան Արաս Օզբիլիսը խոսել է Հենրիխ Մխիթարյանի մասին, ով «Ինտերի» կազմում դուրս է եկել ՉԼ եզրափակիչ:
«Ամբողջ երկիրը հպարտ է նրա խաղով և արդյունքներով։ Ցավալի է, որ նա վնասվածք է ստացել։ Աստված տա, որ Հենրիխը խաղա եզրափակիչում։ Սա շատ ու շատ մեծ ձեռքբերում է ամբողջ հայ ժողովրդի համար։ Մխիթարյանն արդեն շատ բան է արել իր երկրի համար։ Եթե նա հաղթի Չեմպիոնների լիգայում, հիանալի կլինի:
Եզրափակիչը մեկ խաղ է, միշտ չէ, որ ֆավորիտները հաղթում են։ Ֆուտբոլում ամեն ինչ կարող է պատահել։ Ես դիտում էի նրա հանդիպումները և երկրպագում էի Մխիթարյանին: Նա միանշանակ հայկական ֆուտբոլի պատմության լավագույն խաղացողն է։ Նա արդեն հաղթել է Եվրոպա լիգայում և Կոնֆերենցիաների լիգայում։ Հենրիխը յուրահատուկ խաղացող է Հայաստանի համար»,- Հայաստանի հավաքականի նախկին ֆուտբոլիստի խոսքերը մեջբերում է Metaratings-ը։
34-ամյա հայ կիսապաշտպանի վերականգնման ստույգ ժամկետը դեռ հայտնի չէ։
Չեմպիոնների լիգայի եզրափակիչը տեղի կունենա հունիսի 10-ին Ստամբուլի Աթաթուրքի անվան Օլիմպիական ստադիոնում: Հենրիխ Մխիթարյանն առաջին հայ ֆուտբոլիստն է, որը հնարավորություն ունի խաղալու գլխավոր եվրագավաթի եզրափակիչում:
.gif)
