ՏԵՍԱՆՅՈՒԹ. Ձեզ հոգեբանորեն լավ կզգաք, երբ դատավոր ընտրվեք մի իշխանության կողմից, որը հանձնել է Արցախը, Տիգրանաշենը. հարց դատավոր Արմեն Դանիելյանին

Այսօր խորհրդարանում դատավորներ են ընտրելու, այդ թվում՝ Վճռաբեկ դատարանի դատավորների: Օրինակ, Բարձրագույն դատական խորհուրդը Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի թափուր տեղի համար առաջադրել է Արմեն Համլետի Դանիելյանի, Ելիզավետա Ռեմիկի Դանիելյանի եւ Արսեն Սերժիկի Նիկողոսյանի թեկնածությունները:

Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավորի թափուր տեղի համար առաջադրվել է Կարեն Համլետի Աղաջանյանի, Լիզա Ռաֆիկի Գրիգորյանի եւ Կարեն Հովհաննեսի Թումանյանի թեկնածությունները: Լիզա Գրիգորյանը ԱԺ ՔՊ խմբակցության պատգամավոր Հերիքնազ Տիգրանյանի ընկերուհին է, նա էլ համարվում է ՔՊ սրտի թեկնածուն:

Վճռաբեկ դատարանի քաղաքացիական պալատի դատավորի թափուր տեղի համար առաջադրվել է Վահագն Սամվելի Թորոսյանի, Լիլիթ Ռաֆիկի Խաչատրյանի եւ Անի Ռաֆիկի Մխիթարյանի թեկնածությունները: Այստեղ իշխանությունների սրտի թեկնածուն Անի Մխիթարյանն է:

Վճռաբեկ դատարանի քաղաքացիական պալատի դատավորի թափուր տեղի համար առաջադրվել է Անահիտ Ալվարոյի Թումանյանի, Գայանե Հայկազի Մազմանյանի եւ Սերգեյ Գուրգենի Մեղրյանի թեկնածությունները: Այստեղ ՔՊ-ի սրտի թեկնածուն Սերգեյ Մեղրյանն է, որը նախկինում գլխավոր հարկադիր կատարողն էր: «Ժողովուրդ» օրաթերթը գրել էր, որ Սերգեյ Մեղրյանն իր պաշտոնից հեռանալուց հետո դատավոր է դառնալու:

Արդեն այսօր՝ օրվա երկրորդ կեսին, Նիկոլ Փաշինյանը և կառավարության անդամները կգան խորհրդարան՝ պատասխանելու պատգամավորների հարցերին: Այսպիսով Ռոբերտ Քոչարյանին կալանավորած, Հայաստան խմբակցության պատգամավիր Արթուր Սարգսյանին կալանավորած դատավոր Արմեն Դանիելյանից հետաքրքրվեցինք, թե իրեն իրավականորեն հոգեբանորեն լավ կզգա, երբ դատավոր ընտրվի մեկ իշխանության կողմից, որը հանձնել է Տիգրանաշենը, Արցախը, անկլավները:

Քնար Մանուկյան, Հովսեփ Հովսեփյան