Քննարկման վերջում հայտնել ենք մեր պատրաստակամությունը՝ շարունակելու համագործակցությունը փոխադարձ հետաքրքրություն ներկայացնող հարցերի շուրջ։
ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, անկուսակցական Թագուհի Թովմասյանը սոցցանցի իր էջում գրում է․
«Բրյուսել կատարած աշխատանքային այցի շրջանակներում հանդիպումներ ենք ունեցել Ֆլամանական խորհրդարանի ղեկավար տիկին Լիսբեթ Հոմանսի, ինչպես նաև պատգամավորներ՝ Արտաքին քաղաքականության հանձնաժողովի նախագահ տիկին Կատի Քուդիզերի, պարոն Ժոան Դեկմինի, պարոն Կարլ Վանլուվեի և այլ խորհրդարանականների հետ։
Հանդիպման ժամանակ, ներկայացնելով Հայաստանում և Արցախում անվտանգային մարտահրավերները, ընդգծել եմ, որ Ադրբեջանի կողմից Արցախի լիակատար շրջափակման հետևանքով 35 000-ից ավելի երեխաներ գտնվում են պատանդի կարգավիճակում, խախտված են նրանց կենսական իրավունքները։ Մեր երկու հանրապետությունների սահմանամերձ բնակավայրերի երեխաներն Ադրբեջանի կողմից պարբերաբար կրակոցների պատճառով, ի թիվս այլ իրավունքների, զրկված են կրթության իրավունքից։
Այս համատեքստում ինչքան հայկական կողմը խոսում է խաղաղության մասին, այնքան ճաշակում է տարածաշրջանում Ադրբեջանի կողմից ստեղծված անկայունության և պատերազմական իրադրության դառը պտուղները, այնքան թշնամին ավելի ագրեսիվ է դառնում՝ շարունակելով իր էթնիկ զտման և ցեղասպանական քաղաքականությունը։ Ադրբեջանական կողմը թիրախավորում է անգամ վիրավորներին տեղափոխող շտապօգնության ավտոմեքենան:
Ընդգծել եմ, որ մինչ օրս անկատար է մնացել Արդարադատության միջազգային դատարանի որոշումը, որի շրջանակներում Ադրբեջանին պարտադրվել է ձեռնարկել անհրաժեշտ բոլոր միջոցները՝ ապահովելու Լաչինի միջանցքով անձանց, տրանսպորտային միջոցների և բեռների՝ երկու ուղղություններով անխափան տեղաշարժը:
Ինչպես նաև մինչ օրս ունենք գերիներ, անհետ կորածներ և բռնությամբ տեղահանվածներ, որոնց գտնվելու վայրն անհայտ է: Ադրբեջանը թույլ չի տալիս որոնել ու հուղարկավորել մեր զինվորների մասունքները»:
.gif)
