Ինչ իրավիճակ է սահմանային Տրետուքում այս պահին

Այս պահին Տրետուք համայնքում ամեն ինչ կարգին է: ArmLur.am-ի հետ զրույցում այս մասին ասաց տեղի բնակիչներից Հայկը:

Մեր զրուցակցի խոսքով` կրակոցները գյուղում լսվել են, ամենայն  հավանականությամբ խոշոր տրամաչափի զենքերից են կրակել:

«Կրակոցներ միշտ էլ կան, արդեն սովորել ենք: Գյուղում խուճապ չկա, մարդիկ զբաղված են իրենց առօրյա գործերով»,-նշեց նա:

Հիշեցնենք, որ Հունիսի 8-ին՝ ժամը 17:00-ին, Ադրբեջանի ԶՈՒ ստորաբաժանումները կրակ են բացել Տրետուքի հատվածում տեղակայված հայկական դիրքերի ուղղությամբ: Հայտնել է ՀՀ պաշտպանության նախարարությունը։

Լիդա Եղիազարյան