ՄԱԿ գլխավոր քարտուղար Պան Գի Մունը գտնում է, որ Պաղեստինի ինքնավարության ջանքերն ուղղված ՄԱԿ տարբեր կազմակերպություններին անդամակցմանը, “ոչ մի օգուտ չեն բերի Պաղեստինին կամ որեւէ մեկին”: Այդ հայտարարությունը նա արել է G-20 վեհաժողովի բացման ժամանակ:
Հիշեցնենք, որ ՅՈՒՆԵՍԿՕ-ի Ընդհանուր ժողովը ընդունել էր Պաղեստինին իր շարքերը որպես լիիրավ անդամի, որից հետո ԱՄՆ-ը, Կանադան եւ Իսրայելը հայտարարել էին, որ դադարեցնում են Կազմակերպության ֆինանսավորումը: Նշենք, որ ԱՄՆ-ի անդամավճարը կազմում է $60 մլն, իսկ Կանադայինը` 10:
Պան Գի Մունն ասել է, որ պաղեստինյան իշխանությունները հասկացնել են տալիս, որ պատրաստվում են անդամակցել ՄԱԿ եւս 16 մասնագիտացված կազմակերպությունների: ՄԱԿ գլխավոր քարտուղարը նշել է, որ արդյունքում տուժելու է այդ կազմակերպությունների ֆինանսավորումը, ինչն անդրադառնալու է միլիոնավոր մարդկանց վրա:
.gif)
