Այսօր վիրավորված զինծառայողը Դաշտավանից է․ ինչ են պատմում համագյուղացիները

Այսօր Տեղի հատվածում Ադրբեջանի ԶՈւ կրակի հետևանքով վիրավորում ստացած ՀՀ ԱԱԾ սահմանապահ ծառայության զինծառայողն է՝ Արթուր Արմենի Ազրոյանը (2002թ.)։

Վիրավորում ստացած զինծառայողին այս պահին վիրահատում են, վիճակը գնահատվում է կայուն ծանր։ Քիչ առաջ այս մասին հայտնեցին ՀՀ ԱԱԾ-ից։

ArmLur.am-ին հայտնի դարձավ, որ այսօր վիրավորում ստացած Արթուր Ազրոյանը Մասիս համայնքի Դաշտավան գյուղից է։  Բնակիչները պատմեցին, որ  ընտանիքում երեք եղբայր են, փոքր եղբայրը դպրոցական է։  Զինծառայողը 10-15 օրից ավարտում է ծառայությունը։ Ազրոյանի ընտանիքը գյուղում սովորական աշխատանքով ապրող ընտանիք է։

Ք․ Մ․