ՏԵՍԱՆՅՈՒԹ․ Ծեծկռտուքից հետո ՔՊ քաղաքական ժողովը լարված է անցել. Նիկոլ Փաշինյանը բարկացած է եղել. նոր մանրամասներ

ArmLur.am-ը գրել էր, որ շաբաթ օրը՝ հունիսի 17-ին, «Քաղաքացիական պայմանագիր» կուսակցությունը քաղաքական ժողով է արել՝ Նիկոլ Փաշինյանի գլխավորությամբ:

ArmLur.am-ի բացառիկ տեղեկությունների համաձայն՝ ժողովի նախօրեին տեղի ունեցած ՔՊ-ի դիլիջանյան «քեֆն» ավարտվել է ծեծկռտուքով․ երբ դրսում ՔՊ-ականները հավաքվել զրուցել են, այդ ժամանակ այդ տարածքով անցնելուց է եղել Վայքի համայնքի ղեկավար Մխիթար Մաթևոսյանը, որը հավաքված ՔՊ-ականներին չի բարևել:

Հիմնական հավաքվածները եղել են ՔՊ-ական մարզպետներն ու համայնքապետերը: Արմավիրի մարզպետ Էդվարդ Հովհաննիսյանը դիմել է Մաթևոսյանին, թե որ անցնում ես ինչի՞ չես բարևում: Մաթևոսյանն էլ հայտարարել է, թե չի ուզում, չի բարևում, որից հետո մարզպետն ու համայնքապետը սկսել են հարձակվել իրար վրա ու ծեծել: Միջադեպին արդեն խառնվել է ողջ ՔՊ-ական թևը ու ցրել «կռվարարներին»:

ArmLur.am-ին նոր մանրամասներ են հայտնի դարձել ՔՊ քաղաքական ժողովից:

Այսպիսով նախ տեղեկացանք, որ ծեծկռտուքից հետո քաղաքական ժողովը գերլարված է անցել, մթնոլորտը թեժ է եղել:
ՔՊ-ականները «քիթ ու մունաթով» են եղել իրար հետ, մեկը մյուսին մեղադրել է, հավաքույթը «հարամ անելու» համար: Նիկոլ Փաշինյանն էլ, թեև նիստի ժամանակ ծեծկռտուքին չի անդրադարձել, բայց ցույց է տվել, որ բարկացած է թիմակիցների վրա, որ անգամ իր ներկայությունը հաշվի չեն առել ու հավաքույթը ծեծկռտուքի են վերածել:
ArmLur.am-ը տեղեկացավ նաեւ, որ քաղաքական ժողովը տևել է մոտ 6 ժամ: Նիկոլ Փաշինյանն է անվտանգային եւ ներքաղաքական մի շարք հարցերի շուրջ ելույթներ ունեցել, իսկ ՔՊ-ականները լուռ նստած լսել են:

Քրիստինա Մուշեղյան