Ըմբշամարտի միջազգային ֆեդերացիան (UWW) հաստատել է 2024թ․ Փարիզի ամառային Oլիմպիական խաղերի վարկանիշային մրցաշարերն ընդունող երկրների անունները, հայտնում է ՀԱՕԿ-ի պաշտոնական կայքը։
Համաամերիկյան վարկանիշային մրցաշարը կկայանա Մեքսիկայում, որից հետո նույն տեղում կանցկացվի պանամերիկյան առաջնությունը:
Աֆրիկայի և Օվկիանիայի վարկանիշային մրցաշարը կանցկացվի Եգիպտոսի մայրաքաղաքում: Եվրոպայի վարկանիշային մրցաշարը նշանակված է Բաքվում, իսկ Բիշքեկը կընդունի Ասիայի վարկանիշայինը, որից հետո նույն մրցավայրում տեղի կունենա Ասիայի առաջնությունը:
Վերջին՝ համաշխարհային վարկանիշային մրցաշարը նախատեսված է Ստամբուլում:
Առաջիկա սեպտեմբերի 16-24-ը Բելգրադում կկայանա ԱԱ-ը: Ըմբիշները կպայքարեն 90 ուղեգրի համար: Օլիմպիական քաշային յուրաքանչյուր կարգի հինգ լավագույնները կստանան Փարիզի ստուգատեսի մասնակցության արտոնագիր: Մայրցամաքային մրցաշարերում կխաղարկվի 144, իսկ համաշխարհայինում ՝ 54 ուղեգիր:
.gif)
