Ալավերդի-Սանահին-Սարահարթ ավտոճանապարհի մի հատվածը փակ կլինի

ՀՀ ներքին գործերի նախարարության փրկարար ծառայությունը հաղորդում է, որ այսօր՝ հուլիսի 5-ին, ժամը 14։00-ից մինչև 19։00-ն Լոռու մարզի Ալավերդի քաղաքից Սանահին-Սարահարթ թաղամաս տանող ավտոճանապարհի 4-րդ կմ-ին (մոտ 300 մ հատվածում) հիմնանորոգման աշխատանքների ընթացքում իրականացվելու են ժայռաքանդման աշխատանքներ։ Ճանապարհը լինելու է երկկողմանի փակ։

ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ նշված ավտոճանապարհին իրականացնում է հերթապահություն: