Հայաստան-Խորվաթիա հանդիպման տոմսերի օնլայն վաճառքը վերսկսված է. ՀՖՖ

Հայաստանի ֆուտբոլի ֆեդերացիան հայտարարություն է տարածել Հայաստան-Խորվաթիա հանդիպման տոմսերի վաճառքի վերաբերյալ։

«Սիրելի՛ երկրպագուներ,

Հայաստան-Խորվաթիա հանդիպման տոմսերի վաճառքը վերսկսված է:

Տոմսեր ձեռք բերել ցանկացողների ահռելի մեծ քանակով պայմանավորված՝ ՀՖՖ տոմսերի վաճառքի պաշտոնական կայքը դադարեցրել էր իր գործունեությունը. կայքում միաժամանակ մոտ 5000 օգտատիրոջ գտնվելը և տոմս ձեռք բերելու փորձերը հանգեցրել էին կայքի խափանմանը:

Այժմ www.tickets.ffa.am-ն անցել է իր բնականոն աշխատանքին: Նմանատիպ խնդիրներից խուսափելու համար կայքը ծանրաբեռնվածության դեպքում կծանուցի օգտատերերին, որ տվյալ պահին հնարավոր չէ գնում կատարել և պետք է սպասել մինչև որոշ օգտատերեր կատարեն գործարքը և դուրս գան կայքից:

Սիրելի՛ երկրպագուներ, շնորհակալ ենք ըմբռնումով մոտենալու համար:

Տոմսերը կարող եք ձեռք բերել նաև Idram&IDBank հավելվածի միջոցով»,- այս մասին ասվում է հայտարարության մեջ։