ԼՈՒՐ ԿԱԴՐ       

Լուսանկարը՝ համացանցից

Երեւանի Ֆիրդուսի փողոցում չշահագործվող մսուր-մանկապարտեզի արտաքին պատից 3 քմ հատված փլուզվել եւ լցվել է մոտակա խանութի (18 քմ) տանիքին՝ վնասելով տանիքը եւ խանութը (մոտ 9 քմ): Տուժած քաղաքացիներ չկան:

ՀԱՅՏԱՐԱՐԱԳԻՐ

ՀԱՐՑ. Եթե  որեւէ  տարվա  ընթացքում հայտարարատու պաշտոնը դադարեցնելուց հետո անձը կրկին ստանձնում  է հայտարարատու պաշտոն, ի՞նչ հայտարարագիր է ներկայացնում:

Գեւորգ Սարգսյան (46 տարեկան)

ՊԱՏԱՍԽԱՆ. Եթե հայտարարատու պաշտոնատար անձը պաշտոնի դադարեցումից հետո՝ 30 օրվա ընթացքում,  նշանակվում է նոր հայտարարագրման պարտականություն նախատեսող պաշտոնում, ապա պաշտոնեական պարտականությունները դադարեցնելու եւ ստանձնելու հայտարարագիր ներկայացնելու պարտավորություն չունի:

Կոռուպցիայի կանխարգելման հանձնաժողով

«ԺՈՂՈՎՈՒՐԴ». Եթե տվյալ տարվա ընթացքում պաշտոնի դադարեցման եւ պաշտոնի ստանձնման միջեւ տեւողությունը 30 օրից ավելի է, ապա պետք է ներկայացնի միայն պաշտոնը դադարեցնելու հայտարարագիր:

ՀԱՐԿ

ՀԱՐՑ. Հողի հարկի եւ գույքահարկի համար ի՞նչ արտոնություններ են գործում:

Ռաֆայել Նալբանդյան (32 տարեկան)

ՊԱՏԱՍԽԱՆ. Հողի հարկից ազատվում են «Հողի հարկի մասին» ՀՀ օրենքի 10-րդ հոդվածով սահմանված անձինք նույն հոդվածով նախատեսված դեպքերում: Հողի հարկից 50 տոկոսի չափով ազատվում են «Հողի հարկի մասին» ՀՀ օրենքի 11-րդ հոդվածով սահմանված անձինք նույն հոդվածով նախատեսված դեպքերում: Համայնքի ավագանու սահմանած արտոնության գումարը չի կարող գերազանցել տվյալ տարվա համար հողի հարկի գծով համայնքի բյուջեում հաստատված եկամուտների 10 տոկոսը:

Գույքահարկի գծով արտոնությունները սահմանված են «Գույքահարկի մասին» ՀՀ օրենքի 15-րդ հոդվածով:

ՀՀ ՏԿԵ նախարարություն

«ԺՈՂՈՎՈՒՐԴ». Համայնքի ավագանու սահմանած արտոնության գումարը չի կարող գերազանցել տվյալ տարվա համար գույքահարկի գծով համայնքի բյուջեում հաստատված եկամուտների 10 տոկոսը: Հաշվետու տարվա ընթացքում արտոնություն ունեցող գույքահարկ վճարողը գույքահարկը վճարելուց ազատվում է այն ամսվա 1-ից, երբ առաջացել է արտոնության իրավունքը: Հաշվետու տարվա ընթացքում գույքահարկի արտոնությունը դադարելու դեպքում գույքահարկը հաշվարկվում է արտոնության իրավունքը դադարելու ամսվան հաջորդող ամսվա 1-ից: