Հուլիսի 17-ից բոլոր անձնագրային կետերում հերթագրումը կլինի օնլայն համակարգով: Միգրացիայի եւ քաղաքացիության ծառայությունների հարթակը՝ migration.e-gov.am- ը ներդրվել է դեռևս միայն Երևանի տարածքում: Մարզերում համակարգը կակտիվանա աստիճանաբար:
ArmLur.am-ը եղել է Դավթաշեն վարչական շրջանի անձնագրային կետում, և խոսել խաղաքացիների հետ՝ հասկանալու համար, թե ինչպիսի կարծիք ունեն ներդրված համակարգի վերաբերյալ:
Խոսել ենք նաև Ներքին գործերի նախարարության և քաղաքացիության ծառայության հանրային կապերի պատասխանատու Նելլի Դավթյանի հետ։ Նրա խոսքով, այս համակարգը կար դեռևս անցած տարվանից.
«Երևանում աստիճանաբար այս հերթերին զուգահեռ ներդրվեց էլեկտրոնային հերթագրման համակարգը, որը գործում էր անձնագրային և վիզաների վարչության գլխամասային գրասենյակում դեռևս անցած տարվա հոկտեմբերից, մասնավորապես անձնագրային և վիզաների բաժնում:»,- ասաց Դավթյանը:
Ավելի մանրամասն ArmLur.am-ի տեսանյութում:
Քնար Մանուկյան, Հովսեփ Հովսեփյան
.gif)
