Քաղաքացիական պայմանագիր խմբակցության պատգամավոր Սոնա Ղազարյանը ներկայացրել է 2022 թվականի հայտարարագիր: Ըստ նրա հայտարարագրի, 2020 թվականին Ղազարյանը ձեռք է բերել նոր բնակարան Կոտայքի մարզի Առինջ գյուղում:
Նշված բնակարանը ձեռք է բերվել հիփոթեքով, իսկ ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 14 մլ 897 հազար դրամ, որը նշված հիփոթեքի գումարի մնացորդն է հայտարարատու տարում:
Ղազարյանը եկամտահարկի վերադարձի օրենքով Ֆինանսների նախարարությունից ստացել է 1 մլն 757 հազար դրամ: Ղազարյանի ամուսինը՝ Դավիթ Բանուչյանը, ով աշխատում է Հանրային հեռուստաընկերությունում, 2021 թվականին գնել է մեքենա 2015 թվականի արտադրության MAZDA մակնիշի: Ամուսնու եկամուտները հաշվետու տարում կազմել են 19 մլ 111 հազար դրամ:
ArmLur.am-ը բազմիցս է անդրադարձել ՔՊ-ական պատգամավորների ձեռք բերված տներին: Ղազարյանն այն անտուններից մեկն է, ով տան տեր է դարձել պատգամավոր դառնալուց հետո:
Պատգամավորի բանկային հաշիվների մնացորդները կազմել են 441 հազար դրամ, իսկ հաշվետու տարվա եկամուտները կազմել են 9 մլն 660 հազար դրամ, որից 7 մլն 902 հազար դրամն աշխատանքի վարձատրություն է Ազգային Ժողովի աշխատակազմից:
Էմմա Միքայելյան
.gif)
