ՌԴ-ն հաստատել է մոտ ժամանակներս Մոսկվայում ՀՀ և Ադրբեջանի ԱԳ նախարարների հետ եռակողմ հանդիպում կազմակերպելու պատրաստակամությունը

Հուլիսի 17-ին Ռուսաստանի Դաշնության արտաքին գործերի փոխնախարար Անդրեյ Ռուդենկոն հանդիպել է ՌԴ-ում Ադրբեջանի արտակարգ և լիազոր դեսպան Փոլադ Բյուլբյուլօղլուի հետ։ Այդ մասին հայտնում են ՌԴ ԱԳՆ մամուլի ծառայությունից:

Զրույցի ընթացքում քննարկվել են իրավիճակը Հարավային Կովկասում, Բաքվի և Երևանի հաշտեցման գործընթացը։ «Ռուսական կողմը հաստատել է Լաչինի միջանցքի ամբողջական և անհապաղ ապաշրջափակման, դրա երկայնքով երկու ուղղություններով տրանսպորտային կապերի վերականգնման անհրաժեշտությունը՝ համաձայն 2020 թվականի նոյեմբերի 9-ի եռակողմ հայտարարության, ինչպես նաև Լեռնային Ղարաբաղում բնականոն կենսապահովման պայմանների ստեղծման անհրաժեշտությունը»,- նշված է հաղորդագրությունում։