Քաղաքացին փորձում էր նետվել կամրջից

Ճգնաժամային կառավարման ազգային կենտրոն հուլիսի 19-ին, ժամը 17։28-ին ահազանգ է ստացվել, որ քաղաքացին փորձում է ինքնասպանություն գործել՝ նետվելով Երեւանի Հաղթանակի կամրջից։

ՆԳՆ փրկարար ծառայությունից ArmLur.am-ին հայտնում են, որ դեպքի վայր են մեկնել ՆԳՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ եւ Հոգեբանական աջակցության բաժնի հերթապահ հոգեբանը։

Փրկարարները կանխել են քաղաքացի Խ․ Հ․-ի (ծնված 1982 թ․) ինքնասպանության փորձը։