ԱԺ ՔՊ խմբակցության պատգամավոր Նարեկ Ղահրամանյանը, որը նախկինում հարբած վիճակում մեքենա վարելու պատճառով զրկվել էր վարորդական իրավունքից, երեկ Տնտեսական հարցերի մշտական հանձնաժողովի նիստի ժամանակ անհարմար դրության մեջ է դրել Տարածքային կառավարման և ենթակառուցվածքների նախարար Գնել Սանոսյանին:
Երեկ հրավիրված նիստի օրակարգում բյուջեի քննարկումն էր, որի ժամանակ Նարեկ Ղահրամանյանը, անտեղյակ լինելով, որ նիստը հեռարձակվում է ուղիղ եթերով, հարց է բարձրացնում.
«Ես եկել եմ այն եզրահանգմանը, որ պետությունն ավել փող ունի և ուղղակի փող է ծախսում ՝ աշխատատեղ ապահովելու… փակ քննարկում ա, քանի մենք մերոնցով ենք, ասեմ…, որովհետև ամենաուշը երկու ամիս հետո ասֆալտը գոյություն չունի»։
Այս իրավիճակից հետո Գնել Սանոսյանն անակնկալի գալով՝ ապշած հայացքով նայում է Բաբկեն Թունյանին:
Այսինքն՝ մեր աչքերի առաջ «համերաշխ» ՔՊ-ականները, փակ նիստերի և քննարկումների ժամանակ ընդհանրապես այն չեն, ինչ ցույց են տալիս:
ArmLur.am-ը հաճախ է անդրադառնում ՔՊ-ի փակ նիստերի ժամանակ տեղի ունեցած վեճերին, որոնց արդյունքը տեսնում ենք նմանատիպ քննարկումների ժամանակ:
Էմմա Միքայելյան
.gif)
