Բեռնատարը չի կարողացել շարունակել ընթացքը

Հուլիսի 27-ին, ժամը 15:32-ին Սյունիքի մարզային ճգնաժամային կառավարման կենտրոն ահազանգ է ստացվել, որ Վերին Խոտանան գյուղի մոտակայքում «KamAZ» մակնիշի բեռնատարը բեռնվածության պատճառով չի կարողանում շարունակել ընթացքը. անհրաժեշտ է փրկարարների օգնությունը: Այս մասին հայտնել է ՀՀ փրկարար ծառայությունը։

«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Աղվանիի հենակետից մեկ մարտական հաշվարկ։

Պարզվել է, որ երկու «KamAZ» մակնիշի բեռնատար, բեռնվածության պատճառով չեն կարողանում շարունակել ընթացքը:

Փրկարարները մոտ 500 մ քարշակել են բեռնատար ավտոմեքենաները, որոնք շարունակել են ընթացքը»,- ասված է հաղորդագրության մեջ: