Լուսանկարը՝ համացանցից
Օրեր առաջ Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ ուժեղ քամուց Մարալիկ քաղաքի Կոմսոմոլ փողոցում ծառը կոտրվել եւ ընկել է գազատար խողովակի վրա. առկա է գազի արտահոսք։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Կոմսոմոլ փողոցում ծառի ճյուղը ընկել է տներից մեկի բակում գտնվող գազատար խողովակի վրա եւ վնասել այն: Փրկարարները սահմանազատել են տարածքը եւ հեռացրել ծառի կոտրված ճյուղերը:
Դեպքի վայրում գտնվող գազի վթարային ծառայության աշխատակիցները դադարեցրել են գազի արտահոսքը:
ԱՌՈՂՋԱՊԱՀՈՒԹՅՈՒՆ
ՀԱՐՑ. Ի՞նչ պետք է անել պատվաստումից առաջ:
Լիլիթ Սիմիդյան (25 տարեկան)
ՊԱՏԱՍԽԱՆ. Պատվաստումից առաջ բժիշկը պետք է գնահատի երեխայի առողջական վիճակը: Գնահատման արդյունքում, եթե երեխան առողջ է, կատարվում է պատվաստում, իսկ եթե հայտնաբերվում է որեւէ ախտաբանական երեւույթ, ապա պատվաստումը հետաձգվում է մինչեւ երեխայի առողջանալը:
ՀՀ առողջապահության նախարարություն
«ԺՈՂՈՎՈՒՐԴ». Պատվաստումից առաջ չի կարելի երեխային տալ ջերմիջեցնող եւ հակաալերգիկ դեղորայք:
ԱՎԱԳԱՆԻ
ՀԱՐՑ. Ավագանին կարո՞ղ է բողոքարկել համայնքի ղեկավարի որոշումները եւ ո՞ր դեպքում:
Հովհաննես Սաղաթելյան (36 տարեկան)
ՊԱՏԱՍԽԱՆ. Համայնքի ավագանու անդամը համայնքի ղեկավարի որոշումները ստանալուց հետո` եռօրյա ժամկետում, կարող է նախաձեռնել ավագանու արտահերթ նիստ, եթե համայնքի ղեկավարի որոշումը, իր կարծիքով, հակասում է օրենսդրությանը կամ ավագանու որոշումներին: Այս դեպքում ավագանու նիստ պետք է հրավիրվի այդ մասին պահանջը համայնքի ղեկավարին ներկայացվելուց հետո` եռօրյա ժամկետում: Եթե համայնքի ավագանին գտնի, որ համայնքի ղեկավարի որոշումը հակասում է օրենսդրությանը կամ ավագանու որոշումներին, ապա նա պարտավոր է համայնքի ղեկավարին ներկայացնել գրավոր բողոք` համապատասխան հիմնավորումներով՝ առաջարկելով համայնքի ղեկավարին փոփոխելու իր որոշումը:
ՀՀ ՏԿԵ նախարարություն
«ԺՈՂՈՎՈՒՐԴ». Եթե համայնքի ղեկավարը եռօրյա ժամկետում համայնքի ավագանու որոշման վերաբերյալ որեւէ որոշում չի կայացնում, ապա համայնքի ղեկավարի որոշումը համարվում է չընդունված:
Համայնքի ղեկավարի որոշումները համայնքի ավագանին կարող է բողոքարկել դատական կարգով:
.gif)
