Երեկ ՀՅԴ խմբակցության անդամ Դավիթ Իշխանյանն ընտրվեց Արցախի ԱԺ նախագահ: Նա ընրվեց 22 կողմ ձայնով, դեմ քվեարկեց 9 պատգամավոր։
Ինչպես արդեն տեղեկացրել է ArmLur.am-ը, Դավիթ Իշխանյանի թեկնածությանը դեմ է քվեարկել Արցախի ՊԲ նախկին հրամանատար Սամվել Բաբայանի գլխավորած՝ «Միասնական Հայրենիք» կուսակցության խորհրդարանական խմբակցությունը: Խորհրդարանական մյուս խմբակցությունները կողմ են քվեարկել Իշխանյանի թեկնածությանը:
ArmLur.am-ը կապ հաստատեց «Միասնական Հայրենիք» կուսակցության անդամ Սեյրան Հայրապետյանի հետ, պարզելու, թե ինչու է իրենց խմբակցությունը դեմ քվեարկել և արդյոք կապ ունի այն փաստը, որ Իշխանյանը ՀՅԴ անդամ է։
«Մեր խմբակցության ղեկավարը մինչև քվեարկությունը իր տեսակետը ներկայացրել էր, որից հետո մենք քվեարկել ենք: ՀՅԴ անդամ լինելը կապ չունի, և ոչ էլ կոնկրետ Իշխանյանի դեմ անձնական որևէ բան կա: Մենք քիչ հետո հայտարարություն կտարածենք այս մասին, բայց այս պահին ավելին չեմ կարող ասել»- ասաց Հայրապետյանը:
Մաշա Մելքոնյան
.gif)
