ՔՊ-ն իր քարոզարշավը կմեկնարկի Նուբարաշենից. ովքե՞ր են մասնակցելու. նոր մանրամասներ

Արդեն վաղը՝ օգոստոսի 23-ին, մեկնարկում են Երևանի ավագանու ընտրությունների պաշտոնական քարոզարշավը:

Ընտություններին մասնակցելու հայտ ներկայացրած կուսակցությունները վաղվանից սկսած՝ մինչեւ սեպտեմբերի 15-ը, կշրջեն Երեւանի վարչական շրջաններով ու կոչ կանեն երեւանցիներին՝ քվեարկել իրենց օգտին:

ArmLur.am-ը իշխող «Քաղաքացիական պայմանագիր» կուսակցության նախընտրական շտաբի մամուլի քարտուղար Հայկ Կոստանյանից տեղեկացավ, որ ՔՊ-ն իր քարոզարշավը մեկնարկելու է Նուբարաշեն վարչական շրջանի կենտրոնական այգուց՝ 17:00-ին:
Քարոզարշավին մասնակցելու է իշխող ուժի քաղաքապետի թեկնածուն՝ Տիգրան Ավինյանը, ավագանու ցուցակի մյուս անդամները եւ ՔՊ-ական պատգամավորները:

Armlur.am-ի տեղեկություններով՝ Նիկոլ Փաշինյանը քարոզարշավի մեկնարկին չի մասնակցելու, բայց հետո հնարավոր է միանա թիմին:

Քրիստինա Մուշեղյան