Ջրականում ականի պայթյունից ադրբեջանցի զինծառայող է վիրավորվել

Ադրբեջանի վերահսկողության տակ անցած Ջրականի (Ջաբրայիլ) շրջանում ականի պայթյունի հետևանքով ադրբեջանցի զինծառայող է վիրավորվել։ Ադրբեջանական լրատվամիջոցները հայտնում են, որ միջադեպը տեղի է ունեցել այսօր՝ օգոստոսի 25-ին։

Հաղորդվում է նաև, որ ականազերծման աշխատանքների ժամանակ վիրավորում ստացած զինծառայողը 1999 թվականին ծնված սակրավոր Գասիմով Հաբիբ Թեյմուրօղլուն է։ Նա ձախ ձեռքի և ոտքերի վնասվածքներ ու այրվածքներ է ստացել։