Հրդեհ՝ Երևանի Ծատուրյան փողոցում

Օգոստոսի 30-ին, ժամը 10։51-ին Ճգնաժամային կառավարման ազգային կենտրոն ահազանգ է ստացվել, որ Երևանի Ծատուրյան փողոցի տներից մեկում հրդեհ է բռնկվել։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:

Պարզվել է, որ հրդեհը բռնկվել է Ծատուրյան փողոցի տներից մեկի մոտակայքում գտնվող խորդանոցում։

Հրդեհը մեկուսացվել է ժամը 11։10-ին, մարվել՝ 11։31-ին։ Այրվել են խորդանոցը (20 քմ), ներսում՝ մոտոցիկլետ և կենցաղային իրեր: