ԱՄՆ-ի զորքերի հետ համատեղ զորավարժություններ անցկացնելու Հայաստանի մտադրությունը Կրեմլում անհանգստություն է առաջացրել:
Այս մասին այսօր ասել է ՌԴ նախագահի մամուլի խոսնակ Դմիտրի Պեսկովը։
«Մտահոգություն են առաջացնում նման լուրերը, հատկապես ներկա իրավիճակում: Մենք խորապես կվերլուծենք դրանք»,- ասել է Կրեմլի խոսնակը՝ ի պատասխան ԱՄՆ-ի հետ համատեղ զորավարժություններ անցկացնելու՝ Հայաստանի ծրագրերը մեկնաբանելու խնդրանքին:
Լրագրողների այն նկատառմանը, որ Հայաստանի իշխանությունները նախկինում հրաժարվել էին իրենց տարածքում ՀԱՊԿ զորավարժություններ անցկացնելուց, Պուտինի մամուլի քարտուղարն ասել է.
«Երեկ մենք գործնականում պատասխանել ենք այս հարցին, այստեղ ավելացնելու նորություն չկա»։
.gif)
