Սեպտեմբերի 4-ից 6-ը Երևանի մի շարք ուսումնական հաստատություններում անցկացվել են հատուկ տակտիկական ուսումնավարժություններ, մասնավորապես՝ «Երևանի Ստեփան Լիսիցյանի անվան թիվ 34 հիմնական դպրոց» ՊՈԱԿ-ում՝ «Անձնակազմի և աշակերտների պաշտպանության իրականացումը հրդեհի դեպքում», «Զատիկ» երեխաների աջակցության կենտրոնում՝ «Երեխաների տարհանումը հրդեհի ժամանակ» թեմաներով, իսկ Վայոց ձորի մարզի Ջերմուկ քաղաքի «Օլիմպիա» առողջարանում՝ «Հրդեհաշիջման, որոնողափրկարարական և վթարավերականգնողական աշխատանքների իրականացումն առողջարանի մասնակի փլուզված մասնաշենքում» թեմայով ցուցադրական հատուկ տակտիկական ուսումնավարժություն:
Ուսումնավարժությունների նպատակներն էին.
Ստուգել կազմավորումների գիտելիքները և պատրաստականությունը հրդեհի ժամանակ՝ պաշտպանության միջոցառումների կազմակերպման ղեկավարման գործում,
Ուսումնասիրել և կատարելագործել խմբերի գործնական ունակությունները,
Ամրապնդել կազմավորումների միջև փոխհամագործակցությունը,
Կատարելագործել արձագանքող ուժերի գործնական հմտությունները՝ հրդեհաշիջման, որոնողափրկարարական և վթարավերականգնողական աշխատանքների իրականացման գործում:
Վարժանքների ընթացքում իրականացվեցին բոլոր գործնական միջոցառումները, կազմակերպվեց անձնակազմի և աշակերտների տարհանում, տարածքից պայմանական տուժածների դուրսբերում և առաջին օգնության ցուցաբերում:
.gif)
