Հիդրոօդերևութաբանության և մոնիթորինգի կենտրոնը ներկայացրել է Սևանա լճի հիդրոլոգիական ռեժիմը սեպտեմբերի 4-10-ը:
Սևանա լճի մակարդակը սեպտեմբերի 4-10-ն ընկած ժամանակահատվածում իջել է 2սմ-ով և կազմել` 1900.36մ (10.09.23թ.), որն անցյալ տարվա նույն օրվա մակարդակից ցածր է 15սմ-ով, իսկ 2023 թվականի հունվարի 1-ի մակարդակից բարձր է 8սմ-ով։
Ոռոգման նպատակով Սևանա լճից իրականացված ջրառի ծավալը սեպտեմբերի 4-10-ը ներառյալ ընկած ժամանակահատվածում կազմել է 16.690մլն. մ³, իսկ ընդհանուր ջրառի ծավալը՝ մայիսի 14-ից սեպտեմբերի 10-ը ներառյալ՝ 219.598մլն. մ³:
Արփա-Սևան ջրատարով սեպտեմբերի 4-10-ը ներառյալ ընկած ժամանակահատվածում Սևանա լիճ տեղափոխված ջրի քանակը կազմել է 0.602մլն. մ³, իսկ 2023 թվականի հունվարի 1-ից սեպտեմբերի 10-ը ներառյալ՝ 87.805մլն. մ³:
.gif)
