Ինչպես հաղորդում է անշարժ գույքի նորությունների ոլորտում մասնագիտացած «The Real Deal» կայքը, Մեսսին և նրա կինը՝ Անտոնելա Ռոկուցոն, առանձնատուն են գնել Ֆորտ Լոդերդեյլ քաղաքի ափամերձ հատվածում:
Շինության մակերեսը կազմում է 975 քմ։ Այն գտնվում է օվկիանոսի ափին, ունի 8 ննջասենյակ, մարզասրահ, մերսման սենյակ, լողավազան։ Տանտերերը անմիջական հասանելիություն կունենան երկու նավամատույցներին։
Տունը կառուցվել է 1988 թվականին և ընդլայնվել է 2000 թվականին։ Նախկին տանտերերը նախորդ տարի այն գնել են 9 միլիոն դոլարով և վաճառել Մեսսիի ընտանիքին 10,8 միլիոն դոլարով:
Նշվում է, որ առանձնատունը գտնվում է «Դրայվ Փինք» մարզադաշտից և հարակից «Ինտեր Մայամիի» մարզաբազայից մոտ 5 մղոն հեռավորության վրա:
Ֆորտ Լոդերդեյլը առողջարանային քաղաք է Հարավային Ֆլորիդայի արևելյան ափին և գտնվում է Մայամի և Ուեսթ Փալմ Բիչ քաղաքների միջև:
.gif)
