Մասիս քաղաքում ավտոմեքենա է այրվել

Սեպտեմբերի 15-ին, ժամը 10:44-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մասիս քաղաքի ԲԿ-ի մոտակայքում այրվում է ավտոմեքենա։

ՀՀ ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 10:59-ին, մարվել՝ 11:10-ին:

Այրվել է «Nissan» մակնիշի ավտոմեքենան: Ավտոմեքենայի վարորդ Տ. Խ. -ն տարբեր աստիճանի այրվածքներով տեղափոխվել է բժշկական կենտրոն։