Ադրբեջանի ռազմական գործողությունները պետք է անհապաղ դադարեցվեն։ Այս մասին սոցցանցում գրել է Եվրոպական խորհրդի ղեկավար Շառլ Միշելը։
«Այսօր սարսափելի լուրեր են գալիս նախկին Լեռնային Ղարաբաղի տարածաշրջանից։ Ադրբեջանի ռազմական գործողությունները պետք է անհապաղ դադարեցվեն՝ Բաքվի և Ղարաբաղի հայերի միջև իրական երկխոսության հնարավորությունն ապահովելու համար»,- գրել է նա։
Հիշեցնենք, որ սեպտեմբերի 19-ին Ադրբեջանի Զինված ուժերը հրետանու և անօդաչու թռչող սարքերի միջոցով սկսել են գնդակոծել Ստեփանակերտի արվարձանները և Լեռնային Ղարաբաղի այլ քաղաքները։
Պաշտոնական Բաքուն հայտարարեց «տեղական հակաահաբեկչական միջոցառումների» մեկնարկի մասին՝ պնդելով, որ հարվածներ է հասցնում գերճշգրիտ զենքի կիրառմամբ միայն ռազմական թիրախներին։
.gif)
