Կոռնիձոր գյուղում կայան կբացվի՝ հումանիտար ճգնաժամը հաղթահարելու համար

ՀՀ կառավարությունը Սյունիքի մարզի Կոռնիձոր գյուղում կայան կբացի Լեռնային Ղարաբաղում հումանիտար ճգնաժամը հաղթահարելու համար։

Կայանի նպատակն է միավորել միջազգային կազմակերպությունների և նախաձեռնությունների ջանքերը, ապահովել մարդասիրական բեռների անվտանգությունը Ղարաբաղ ուղարկելու համար, ինչպես նաև օտարերկրյա իրավապաշտպան կազմակերպություններին և լրագրողներին օբյեկտիվորեն ներկայացնել հումանիտար ճգնաժամի վերաբերյալ տվյալներ։

Հիշեցնենք, որ 2022 թվականի դեկտեմբերի 12-ին քաղաքացիական համազգեստով մի խումբ ադրբեջանցիներ «բնապահպանական» պատրվակով փակել էին Լեռնային Ղարաբաղը Հայաստանի Հանրապետության հետ կապող Ստեփանակերտ-Գորիս ավտոճանապարհը, որտեղից հեռացել էին ապրիլի 28-ին:Ադրբեջանը Լաչինի միջանցքում ապօրինի անցակետ է ստեղծել՝ ամբողջությամբ վերահսկողության տակ վերցնելով այն։ Ղարաբաղը կորցրել է նաև Հայաստանի Հանրապետությունից գազի և էլեկտրաէներգիայի մատակարարումները։

Հունիսի 26-ին Երևանից Ղարաբաղ է ուղարկվել մոտ 400 տոննա մարդասիրական օգնություն։ Նրանց արգելել են անցնել, և նրանք կանգնած են Կոռնիձոր գյուղի մոտ՝ Լաչինի միջանցքի սկզբնամասում։

Օգոստոսի 30-ից այնտեղ կանգնած են ֆրանսիական մի շարք քաղաքների մարդասիրական օգնությամբ բեռնատարներ։

Սեպտեմբերի 18-ին Կարմիր խաչի մարդասիրական օգնությունը Ղարաբաղ հասցվեց Աղդամից ճանապարհով և Լաչինի միջանցքով, սակայն 19-ին Ադրբեջանը լայնածավալ ռազմական ագրեսիա սկսեց Ղարաբաղի դեմ։

Օֆելյա Հովհաննիսյան