Քանի որ Եվրախորհրդարանի ավելի քան 60 պատգամավոր պահանջել են ԵՄ արտաքին քաղաքականության և անվտանգության հարցերով գերագույն ներկայացուցիչ Ժոզեպ Բորելից պատժամիջոցներ սահմանել Բաքվի դեմ ՝ Լեռնային Ղարաբաղում ռազմական ագրեսիայի համար,այդ ամենի ֆոնին Ադրբեջանը ցանկացել է ցույց տալ Եվրամիությանը, որ խաղաղ բնակիչների համար անհանգստացած է ու մտահոգված, ուստի Ադրբեջանի արտակարգ իրավիճակների նախարարությունը հաղորդագրություն է տարածել, ըստ որի Ստեփանակերտ է ուղարկվել 20 տոննայանոց երկու բեռնատար մարդասիրական օգնություն:
«Ադրբեջանի արտակարգ իրավիճակների նախարարությունը որոշել է մարդասիրական նպատակներով սննդամթերք ուղարկել՝ Ղարաբաղի շրջանում բնակվող հայ բնակիչների կարիքները հոգալու համար։ Ստեփանակերտ է ուղարկվել 20 տոննայանոց բեռնատար՝ տարբեր սննդամթերքով և հիգիենայի պարագաներով»։
Հիշեցնենք, որ սեպտեմբերի 19-ին Ադրբեջանը ռազմական գործողություն սկսեց Արցախում «Հակաահաբեկչական գործողություններ» քողի տակ՝ հարձակում գործելով խաղաղ բնակչության վրա, որոնց թվում կային երեխաներ, տարեցներ և հղի կանայք:
Օֆելյա Հովհաննիսյան
.gif)
