Ռուսաստանը միշտ ուշադիր է եղել Հայաստանի հետ դաշնակցային հարաբերությունների նկատմամբ: Այս մասին ամենշաբաթյա ճեպազրույցի ժամանակ նշել է ՌԴ ԱԳՆ ներկայացուցիչ Մարիա Զախարովան՝ մեկնաբանելով ԱԳՆ վերջին արձագանքը վարչապետ Նիկոլ Փաշինյանի ուղերձին։
Դիվանագետին հարցրել են, թե արդյոք Երևանը լսել է սեպտեմբերի 25-ի հայտարարության մեջ շարադրված Մոսկվայի ուղերձները։ Զախարովան նշել է, որ հայկական կողմի հետ շփումները շարունակվում են տարբեր մակարդակներով։ «Մենք ակնկալում ենք, որ մեր ազդանշանները կլսեն և պատշաճ կերպով կընկալվեն ։Շատ առումներով սա մեր պատասխանն էր»,- ասաց նա՝ մեկնաբանելով ԱԳՆ հայտարարությունը։
Ռուսական կողմը կարծում է, որ փորձ է արվում ազատվել ներքին և արտաքին քաղաքականության մեջ ձախողումների պատասխանատվությունից՝ մեղքը բարդելով Մոսկվայի վրա։
Ասուլիսի ժամանակ Զախարովան նաև խոսել է Սևաստոպոլի վրա իրականացված հարձակման մասին։ «Սևաստոպոլի վրա իրականացվել է հարձակում ամերիկյան և բրիտանական հետախուզական գործակալությունների հետ սերտ համակարգմամաբ»:
«Սեպտեմբերի 22-ին Սևաստոպոլը կրկին հարձակման է ենթարկվել։ Ավելին, կասկած չկա, որ այս հարձակումը նախապես ծրագրված է եղել արևմտյան հետախուզական միջոցների, ՆԱՏՕ-ի արբանյակային սարքավորումների, հետախուզական ինքնաթիռների օգտագործմամբ և իրականացվել է հրահրմամբ ամերիկյան և բրիտանական հետախուզական ծառայությունների հետ սերտ համակարգմամբ»,- ընդգծել է Զախարովան։
Օֆելյա Հովհաննիսյան
.gif)
