Բաքվի և Երևանի միջև խաղաղության պայմանագրի կնքման հարցը մնում է արդիական, լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը ։Բացի այդ, նրա խոսքով, ծրագրեր կան տարածաշրջանում զարգացնելու տրանսպորտային հաղորդակցությունն ու նյութատեխնիկական ապահովումը։
«Սա չափազանց կարևոր է Ադրբեջանի, Հայաստանի և Ռուսաստանի համար: Մենք հուսով ենք, որ այդ աշխատանքը կշարունակվի»,- ասել է Պեսկովը։
Ինչ վերաբերում է ռուս խաղաղապահների հետագա աշխատանքին, ապա Կրեմլի ներկայացուցիչն ասաց, որ նրանց աշխատանքը քննարկման առարկա է դառնալու ադրբեջանական կողմի հետ։
Ավելի վաղ հայտնի էր դարձել, որ Արցախի ղեկավար Սամվել Շահրամանյանը հրամանագիր է ստորագրել պետական բոլոր կառույցները մինչև 2024 թվականի հունվարի 1-ը լուծարելու մասին։
Հրամանագիրն ընդունվել է «ներկայիս ծանր ռազմաքաղաքական իրավիճակի առնչությամբ՝ ելնելով առաջնահերթությունից. Լեռնային Ղարաբաղի ժողովրդի ֆիզիկական անվտանգության և կենսական շահերի ապահովման համար»։
Օֆելյա Հովհաննիսյան
.gif)
