Հայտնի են Երևանի ավագանու մշտական հանձնաժողովների նախագահները

Երևանի ավագանու որոշմամբ՝ նոր նշանակումներ են տեղի ունեցել Երևանի քաղաքապետարանում:

Այսպես՝ «Քաղաքացիական պայմանագիր» խմբակցության անդամներ Մարատ Թոխյանը ընտրվել է իրավական հարցերի, Ալեքսանդր Բադալյանը՝ քաղաքաշինության և հողօգտագործման, իսկ Հայկ Միրզոյանը՝ մշակույթի, կրթության և սոցիալական հարցերի մշտական հանձնաժողովների նախագահների պաշտոններում:

«Հանրապետություն» կուսակացությունից Հայկ Սահակյանն էլ ընտրվել է ֆինանսավարկային և տնտեսական հարցերի հանձնաժողովի նախագահ: