Պաղեստինյան ՀԱՄԱՍ շարժման զինյալների կողմից Իսրայելում գերեվարված բոլոր պատանդներին փրկելու հավանականությունը չափազանց ցածր է, այս մասին գրում է Newsweek-ը:
Հրատարակության տվյալներով՝ գերիների փրկության գործողության պատասխանատվությունը կրում է ոչ թե ԱՄՆ-ն, այլ Իսրայելը։ Մինչ Թել Ավիվը ծրագրում է ինքնուրույն իրականացնել այս առաքելությունը, Վաշինգտոնը գործում է «մեկ ձեռքը թիկունքում կապած»։
«ԱՄՆ-ի ներգրավվածությունը սահմանափակ է, քանի որ նա շատ ավելի քիչ տեղեկություն ունի, քան Իսրայելը ՀԱՄԱՍ-ի մասին և իսրայելական զինվորականներն ունեն հատուկ ստորաբաժանում, որը կոչվում է Sayeret Matkal, որը համարվում է աշխարհում լավագույններից մեկը պատանդների փրկության բարդ գործողություններ իրականացնելու հարցում», – ասվում է Իսրայելական պաշտպանության նախարարության տարածած հաղորդագրության մեջ:
Դինամիկան ԱՄՆ-ին դնում է դժվարին դրության մեջ, քանի որ Սպիտակ տունը վերահսկողություն չի ունենա Գազայի հատվածում տեղի ունեցող իրադարձությունների վրա, հատկապես, եթե Իսրայելը ցամաքային ներխուժում կատարի, այս մասին փաստում են մի քանի Իսրայելցի վերլուծաբաններ:
«Կա մռայլ գիտակցում, որ բոլոր պատանդներին փրկելու հավանականությունը չափազանց ցածր է: Մենք պետք է պատրաստ լինենք ամենավատ սցենարին», – նշել են վերլուծաբանները:
Հավելենք, որ Իսրայելում սպանված ռուսների թիվը հասել է 19-ի, իսկ առնվազն երկուսը պատանդ են վերցվել։
Օֆելյա Հովհաննիսյան
.gif)
