Ըստ Bloomberg-ի՝ ամերիկացի երգչուհի Թեյլոր Սվիֆթը առաջին անգամ միլիարդատեր է դարձել, նրա ընդհանուր կապիտալը կազմել է 1,1 միլիարդ դոլար։
Ըստ Bloomberg-ի գնահատումների՝ 2019 թվականից ի վեր արտիստը ստացել է 400 միլիոն դոլար երաժշտական թողարկումներից, 370 միլիոն դոլար՝ ապրանքների վաճառքից և համերգների տոմսերից, իսկ լրացուցիչ 120 միլիոն դոլար է վաստակել YouTube-ում և Spotify-ում։ Գործակալությունը Սվիֆթի անշարժ գույքը գնահատել է ևս 110 միլիոն դոլար, իսկ շահույթը՝ 80 միլիոն դոլար, երաժշտության վաճառքից ստացված հոնորարների տեսքով։
Հստակեցվում է, որ երգչուհու կարողությունը 1 միլիարդ դոլարի հասցնող գործոններից մեկը եղել է նրա Eras համերգային շրջագայությունը։
«Չնայած Սվիֆթիժ եկամուտների գնահատականները շատ են, Bloomberg-ի վերլուծությունը պահպանողական է և հիմնված է միայն ակտիվների և եկամուտների վրա, որոնք կարող են ստուգվել կամ հետագծվել հրապարակայնորեն բացահայտված թվերով», – ասվում է փաստաթղթում:
Այսպիսով, հաշվարկներում հաշվի են առնվել երաժշտական կատալոգի և հինգ տների գնահատված արժեքը, ինչպես նաև եկամուտը սթրիմինգային գործարքներից, երաժշտության վաճառքից, համերգի տոմսերից և հուշանվերներից։
.gif)
