![](https://armlur.am/wp-content/uploads/2023/11/398138333_734319242064139_3964534773963131483_n-2.jpg)
Իսրայելի պաշտպանության բանակը հայտարարել է, որ շարունակում է ընդլայնել ցամաքային գործողությունները Գազայի հատվածում:
«Իսրայելի պաշտպանության բանակի զորքերը շարունակում են ցամաքային գործողությունները Գազայի հատվածում՝ որպես ցամաքային, օդային և ռազմածովային ուժերի համատեղ բազմաբնույթ ջանքերի մի մաս:
Ցամաքային գործողությունների ընդլայնմանը զուգահեռ, օդային և ռազմածովային ուժերի հետ համատեղ բազմաոլորտ ջանքեր են իրականացվում՝ կանխելու սպառնալիքները ցամաքում և հարվածներ հասցնելու ՀԱՄԱՍ-ին»,- ասված է հաղորդագրությունում։
Իսրայելի բանակի կործանիչները, ուղղաթիռները, անօդաչու թռչող սարքերը, ռազմածովային նավերը և հրետանին օգնում են ցամաքային ուժերին, հայտնել են բանակից։ Իսրայելի պաշտպանության բանակի կողմից համատեղ հարվածներն իրականացվում են իրական ժամանակում հավաքագրված տեղեկատվության հիման վրա։