Եգիպտոսի հոսպիտալներն ամեն օր մոտ 50 պաղեստինցի վիրավորների են ընդունում, որոնք տուժել են Գազայի հատվածում իսրայելական ուժերի գնդակոծությունների եւ ռմբակոծությունների հետեւանքով։ Այս մասին տեղեկացրել է հանրապետության առողջապահության եւ ազգաբնակչության նախարար Հալեդ Աբդել Գաֆարը։
«Մենք ամեն օր ընդունում ենք 50 վիրավոր պաղեստինցիների Գազայի հատվածից»,- ասել է նախարարը, որի խոսքերը մեջբերել է Al-Qahira ai-Ihbariya հեռուստաալիքը։ Գաֆարն ավելացրել է, որ Եգիպտոսի առողջապահության հաստատությունները «պատրաստ են ընդունել ավելի մեծ թվով վիրավորների պաղեստինյան անկլավից, բայց հակառակ կողմը վերահսկում է [բուժման համար] եկողների թիվը»։
Նախարարը նշել է, որ անցած մի քանի օրերին եգիպտական հիվանդանոցներում, որտեղ ուղարկվել են վիրավորներ Գազայից, «կատարվել է պաղեստինյան անկլավից բերված ավելի քան 50 երեխաների բարդ վիրահատություն»։
.gif)
