Իսրայելի պաշտպանության նախարարը խոստացել է ոչնչացնել Համասի առաջնորդին

Իսրայելի պաշտպանության բանակը կգտնի և կվերացնի պաղեստինյան Համաս շարժման առաջնորդ Յահյա Սինվարին, մամուլի ասուլիսի ժամանակ հայտարարել է հրեական պետության պաշտպանության նախարար Յոավ Գալանտը։

«Մենք կհասնենք Սինվարին և կկործանենք նրան, պատերազմից հետո Գազայում Համաս այլևս չի լինի, Գազայի հատվածից Իսրայելի անվտանգությանը սպառնալիք չի լինի»,- ասել է նա։

Գալանտի խոսքով՝ իսրայելական բանակը Գազայի հատվածում գործողությունների լիակատար ազատություն կունենա «և կանի այն, ինչ կամենա»։