ԱՄՆ-ը հավելյալ կապեր է հաստատել Իրանի հետ և տեղեկացրել, որ մտադիր չէ սրել իրավիճակը Մերձավոր Արևելքում։ Այս մասին հայտնում է CNN-ը՝ հղում անելով ամերիկացի բարձրաստիճան զինվորականին։
«Իսրայելի և ՀԱՄԱՍ-ի միջև առկա հակամարտության պատճառով ուժեղացած լարվածության լույսի ներքո մենք լրացուցիչ քայլեր ենք ձեռնարկել` անմիջականորեն համագործակցելու Իրանի, Իրաքում և Լիբանանում նրա ասոցացված խմբերի և մեր տարածաշրջանային գործընկերների հետ: Մենք ցանկանում ենք հստակեցնել, որ մենք մտադիր չենք սրել հակամարտությունը տարածաշրջանում»,- նշել է հեռուստաալիքի զրուցակիցը։
Վաշինգտոնը լրացուցիչ Patriot հակահրթիռային պաշտպանության համակարգեր է ուղարկել Մերձավոր Արևելք Իրաքում և Սիրիայում ամերիկյան բազաների վրա տեղի զինյալների հարձակումներից հետո, CNN-ին հայտնել է աղբյուրը։
Ինչպես չորեքշաբթի օրը հայտնել է ԱՄՆ պաշտպանության փոխնախարարի Մերձավոր Արևելքի հարցերով օգնական Դանա Սթրոլը, հոկտեմբերի 17-ից ի վեր ԱՄՆ բազաները և այլ օբյեկտները Սիրիայում և Իրաքում 41 անգամ ենթարկվել են հարձակման աջակցվող ուժերի կողմից: Նրա խոսքով՝ Միացյալ Նահանգները ձեռնարկել է և, անհրաժեշտության դեպքում, կշարունակի ձեռնարկել անհրաժեշտ ռազմական միջոցներ Իսլամական հեղափոխության պահապանների կորպուսի (ԻՀՊԿ) և հարակից խմբերի դեմ։
.gif)
