Ֆրանսիայի դեսպանությունը հարգանքի տուրք է մատուցել Ֆրանսիայի համար կռված հայ մարտիկների հիշատակին

Հայաստանում Ֆրանսիայի դեսպանությունը ոգեկոչել է 1918 թվականի զինադադարը: Հայտնում են ՀՀ-ում Ֆրանիայի դեսպանության ֆեյսբուքյան էջում:

«Նոյեմբերի 11-ին՝ Հաղթանակի և խաղաղության օրը, Հայաստանում Ֆրանսիայի դեսպանությունը ոգեկոչել է 1918 թվականի զինադադարը և հարգանքի տուրք մատուցեց երեկ և այսօր Ֆրանսիայի համար զոհված մեր զինվորների հիշատակին»,- ասվում է դեսպանության տարածած մամուլի հաղորդագրության մեջ։

Ֆրանսիայի դեսպանությունը հարգանքի տուրք է մատուցել նաև Առաջին համաշխարհային պատերազմի ժամանակ Ֆրանսիայի համար զոհված Արևելյան լեգեոնի հայ մարտիկների հիշատակին իրենց նվիրված հուշահամալիրում։