ԱԺ-ն այսօր ընդունեց Հանրային հեռուստատեսության եթերում առևտրային գովազդն արգելող նախագիծը, որին կողմ քվեարկեց 85 պատգամավոր, դեմ՝ 5, ձեռնպահ՝ 18: Ազգային ժողովն առաջին ընթերցմամբ ընդունեց Հանրային հեռուստաընկերության եթերում առևտրային գովազդն արգելող նախագիծը, նաև ավարտեց «Հեռուստատեսության և ռադիոյի մասին» ՀՀ օրենքում և «Գովազդի մասին» ՀՀ օրենքում փոփոխություններ և լրացումներ կատարելու մասին նախագծերի քննարկումը:
Ներկայացված օրենքների նախագծերի նպատակն է բարձրացնել Հանրային հեռուստատեսության դերը, համբավը հասարակական կյանքում: Առևտրային գովազդը ինչպես հեռուստադիտողից, այնպես էլ հեռուստատեսությունից, խլում է եթերաժամ, որը կարող է օգտագործվել ավելի բարձր տեղեկատվական արժեք ունեցող թողարկումների համար: Հաշվի առնելով հանրային հեռուստատեսության կարևոր դերը հանրային կյանքում՝ առևտրային գովազդը չի ծառայում իր նպատակներին: Նախագիծը բացառություն է սահմանում միայն սոցիալական, մշակութային և սպորտային ուղղվածության գովազդների համար, որոնց ցուցադրումը համարվում է թույլատրելի, եթե խոսում է բնակչության առողջության և առողջապահության, բնության պահպանության խնդիրների մասին:
.gif)
