Հարձակվող Կրիշտիանու Ռոնալդուն Պորտուգալիայի հավաքականի կազմում նոր ռեկորդ է սահմանել։ Այս մասին հայտնում է Stats Foot-ը` X սոցիալական ցանցում։
Նոյեմբերի 16-ին Ռոնալդուն 46-րդ րոպեին գոլ խփեց Լիխտենշտեյնի հավաքականին Եվրո-2024-ի ընտրական փուլի արտագնա խաղում (2:0): Այս գոլը 38 տարեկանում ֆուտբոլիստի համար տասներորդն էր ազգային հավաքականի կազմում։ Ռոնալդուն դարձավ պատմության մեջ առաջին ֆուտբոլիստը, ով նման արդյունքի է հասել։
Պորտուգալիայի հավաքականի հետ Ռոնալդուն դարձել է Եվրոպայի 2016 թվականի չեմպիոն, մայրցամաքի առաջնության արծաթե և բրոնզե մեդալակիր։ Նա նաև թիմի հետ 2019 թվականին հաղթել է ՈՒԵՖԱ-ի Ազգերի լիգայում։
Եվրո-2024-ի ընտրական մրցաշարի խմբային փուլը կավարտվի 2023 թվականի նոյեմբերի 21-ին։ Պորտուգալիան ինը խաղից հետո 27 միավորով J խմբի առաջատարն է։
.gif)
