ArmLur.am-ի տեղեկություններով՝ ոստիկանության նախկին գնդապետ Վարդան Նադարյանի որդու դանակահարության գործով ուշագրավ զարգացումներ են:
Մեզ հայտնի դարձավ, որ ՀՀ քնչական կոմիտեն կարճել է միջադեպի մասնակիցներից մեկի նկատմամբ քրեական հետապնդումը՝ արդարացման հիմքով : Փաստաբան Մարինե Ֆարմանյանը հաստատեց՝ նշելով, որ արդարացվել է իր պաշտպանյալը:
ArmLur.am-ը գրել էր, որ ոստիկանության նախկին գնդապետ Վարդան Նադարյանի որդու դանակահարության գործով անցնում է նաեւ Սահմանադրական դատարանի դատավոր Արթուր Վաղարշյանի որդին` Արեգ Վաղարշյանը:
Մեզ հասած բացառիկ տեղեկությունների համաձայն՝ նա ձերբակալվել է, ավել ուշ դատարանը Արեգ Վաղարշյանին ազատ էր արձակել:
Հիշեցնենք, որ տեղեկությունը «Ժողովուրդ» օրաթերթն անձամբ փորձել էր պարզել ՍԴ դատավոր Արթուր Վաղարշյանից, ինչին ի պատասխան՝ նա ասել էր. «Իմ որդին իրականում այնտեղ ներկա է եղել, ինքը ականատես է։ Ես բոլոր պետական մարմիններին վստահում եմ, իրենք օբյեկտիվ քննություն կիրականացնեն, եւ դուք օբյեկտիվ ճշմարտությունը կիմանաք»:
Մանրամասները՝ ArmLur.am-ի տեսանյութում։
Քնար Մանուկյան
.gif)
