Ֆինլանդիան ամբողջությամբ կփակի ՌԴ-ի հետ սահմանը

Ֆինլանդիայի իշխանությունները պլանավորում են չորեքշաբթի գիշերը փակել Ռուսաստանի հետ ամբողջ սահմանը։ Այս մասին հայտնում է Iltalehti թերթը՝ վկայակոչելով աղբյուրներին։

Հրատարակության համաձայն՝ վարչապետ Պետերի Օրպոյի կառավարությունը երկուշաբթի օրը կարող է որոշել փակել Ռուսաստանի Դաշնության հետ սահմանին մնացած անցակետերը։ Սպասվում է, որ այդ անցակետերը կփակվեն չորեքշաբթի տեղական ժամանակով ժամը 00:00-ին (Մոսկվայի ժամանակով 01:00-ին):