24 տարվա ազատազրկումից հետո Օրեխովսկայա խմբի ամենահայտնի մարդասպաններից Օլեգ Պրոնինը, ով հայտնի է Ալ Կապոնե անունով, ազատ է արձակվել։ Lenta.ru-ի փոխանցմամբ՝ նա մարդասպանների հանցախմբի անդամ էր, որը համարվում էր Ռուսաստանում ամենավտանգավորներից մեկը։
Օլեգ Պրոնինն իր քրեական կարիերան սկսել է 1990-ականների սկզբին՝ Կեմերովո քաղաքից Մոսկվայի մարզ տեղափոխվելուց հետո։ Պրոնինը միացավ ավազակախմբին, որը հետագայում միավորվեց Օրեխովո-Մեդվեդկովսկի խմբի (OPS) հետ։
Պրոնինը մեղավոր է ճանաչվել 22 սպանության և 11 փորձի համար։
Սակայն Ալ Կապոնեի ամենահայտնի ու ցնցող արարքը հարձակումն էր հատուկ դատախազության ավագ քննիչ Յուրի Կերեսի վրա։ 1998 թվականի հոկտեմբերի 20-ի երեկոյան Պրոնինը կրակել էր Կերեսի տան մոտ և սպանել նրան։ Սա դարձավ Օրեխովո-Մեդվեդկովսկայա խմբի «վերջի սկիզբը», քանի որ իրավապահ մարմիններն անպատիժ չթողեցին նման հարձակումը:
Եվ ահա, Ալ Կապոնեն ազատ է արձակվել 24 տարվա ազատազրկումից հետո։ Նրա անունը դաջված կմնա Ռուսաստանի քրեական պատմության մեջ՝ որպես ամենավտանգավոր ու հայտնի մարդասպաններից մեկը։
.gif)
