ԱՄՆ պետքարտուղար Էնթոնի Բլինքոնը հայտարարել է, որ ԱՄՆ-ն աշխատում է Գազայի հատվածում ՀԱՄԱՍ-ի և Իսրայելի միջև զինադադարը երկարաձգելու ուղղությամբ։ Այս մասին հայտնում է Reuters-ը։
Բլինքենը նշել է, որ Մերձավոր Արևելք կատարած այցի ընթացքում կաշխատի Իսրայելի և ՀԱՄԱՍ-ի միջև կապեր հաստատելու ուղղությամբ։
«Առաջիկա մի քանի օրվա ընթացքում մենք կկենտրոնանանք ամեն ինչ անելու վրա, որպեսզի երկարաձգենք դադարը, որպեսզի կարողանանք շարունակել ավելի շատ պատանդներ դուրս բերել և ավելի շատ մարդասիրական օգնություն ցուցաբերել», – ասել է Բլինքենը՝ Բրյուսելում ՆԱՏՕ-ի հանդիպումից հետո:
Մինչ այս պաղեստինյան իսլամիստական ՀԱՄԱՍ շարժումը հայտարարել էր Գազայի հատվածում Իսրայելի հետ հրադադարի մասին համաձայնագիրը եւս չորս օրով երկարաձգելու պատրաստակամության մասին։ Նոյեմբերի 27-ին զինադադարը երկու օրով երկարաձգվեց՝ պատանդներին ազատելու համար պայմաններ ապահովելու համար։
Նշվում է, որ Իսրայելի իշխանությունները ազատման ենթակաների նախկին ցուցակում ավելացրել են 50 պաղեստինցի կին բանտարկյալների անուններ։
.gif)
