Թուրքիան Հայաստանի ու Ադրբեջանի միջև խաղաղության պայմանագիր կնքելու հույս ունի

Թուրքիան հույս ունի, որ ադրբեջանա-հայկական բանակցությունները կհանգեցնեն մշտական ​​խաղաղության համաձայնագրի կնքմանը։ Այս մասին ասվում է Թուրքիայի Ազգային անվտանգության խորհրդի նիստի արդյունքների վերաբերյալ հայտարարության մեջ, գրում է APA-ն։

Նիստում քննարկվել է նաև Թուրքիայի և Հայաստանի միջև հարաբերությունների կարգավորման գործընթացը. «Թուրքիան կաջակցի ամուր խաղաղություն հաստատելու բոլոր անկեղծ ջանքերին, որը կնպաստի տարածաշրջանի բոլոր երկրների, այդ թվում՝ Հայաստանի, խաղաղությանն ու բարգավաճմանը»։