Որոնք կարող են լինել արյունահոսության իրական պատճառները

Քթից արյունահոսություն կարող է առաջանալ տարբեր պատճառներով՝ անոթը պայթելուց մինչև ուռուցքի առկայություն, զգուշացրել է պլաստիկ վիրաբույժ Արտաշես Հայրապետյանը։ Lenta.ru-ի հետ զրույցում բժիշկը բացահայտել է արյունահոսություն հրահրող այլ ոչ ակնհայտ ու վտանգավոր գործոնները։

Հայրապետյանը բացատրել է, որ քթից արյունը կարող է հոսել լորձաթաղանթի վնասման, ալերգիայի, քթի կաթիլների երկարատև օգտագործման և բորբոքումների պատճառով։ Այս դեպքերում խնդիրը հնարավոր է լուծել տանը,-նշել է նա։

Սակայն պատահում է, որ արյունահոսությունը ուռուցքի, արյան բարձր ճնշման ախտանիշ է կամ առաջանում է լուրջ վնասվածքից հետո։ Հազվագյուտ դեպքերում այն ​​կարող է առաջանալ արյան մակարդման նվազման՝ լյարդի, երիկամների հիվանդության, ալկոհոլ շատ օգտագործելու և սրտի հիվանդության պատճառով:

Արյունահոսությունը դադարեցնելու համար հարկավոր է թեթևակի թեքվել առաջ (ոչ թե ետ, ինչպես ընդունված է համարել) և նրբորեն սեղմել քթանցքները։ Պետք է անհանգստանալ այն դեպքերում, երբ արյունահոսությունը երկար ժամանակ չի դադարում։ Արյան արագ կորուստը կարող է անեմիայի պատճառ դառնալ, զգուշացրել է Lenta.ru-ի զրուցակիցը։

Անեմիայի դեպքում առաջանում է հոգնածություն, գլխապտույտ, մաշկը գունատվում է: Նաեւ, ըստ նրա, կարող է արագ սրտխփոց լինել, կրծքավանդակի ցավեր առաջանալ։