«Սուրբ Աստվածամայր» ԲԿ-ն մանրամանսեր է հայտնել էջմիածինի դպրոցներից մեկից հիվանդանոց տեղափոխված 15-ամյա տղայի մահվան դեպքի վերաբերյալ:
««Սուրբ Աստվածամայր» ԲԿ է ընդունվել 15 տարեկան տղա, որը, ծնողի խոսքով, նոյեմբերի 18-ին վայր է ընկել հեծանիվից։ Դեպքի օրը նա աջ դաստակի և աջ ազդրի շրջանում ցավեր է ունեցել, սակայն, հաշվի առնելով ոչ աշխատանքային օրերը, նոյեմբերի 20-ին դիմել է Էջմիածնի հիվանդանոց, ստացել առաջին բուժօգնություն՝ ամբուլատոր կարգով:
Նոյեմբերի 22-ին տղայի մոտ վերոնշյալ հատվածների ցավերը խորացել են, որից ելնելով՝ դիմել է «Սուրբ Աստվածամայր» ԲԿ, որտեղ ևս ցուցաբերվել է համապատասխան բուժօգնություն:
Առաջարկվել է հետագա հետազոտման և անհրաժեշտության դեպքում բուժումը իրականացնելու նպատակով հոսպիտալացում, սակայն տղայի ընտանիքը հրաժարվել է, և գնացել են տուն: Նույն օրը՝ երեկոյան, երեխայի մոտ սկսվել է շնչառական անբավարարություն՝ հևոց։
Նոյեմբերի 23-ին նա կրկին ընդունվել է «Սուրբ Աստվածամայր» ԲԿ, անմիջապես կատարվել է համակարգչային շերտագրում (KT) հետազոտություն, հայտնաբերվել՝ երկկողմանի պոլիսեգմենտար թոքաբորբ և հեպատոմեգալիա։
Հետագա հետազոտությունների արդյունքում ախտորոշվել է նաև սեպսիս։
Վիճակի շարունակական վատացման ֆոնին երեխան անցել է ապարատային շնչառության, սակայն նրա կյանքը փրկել չի հաջողվել: Երեխայի մահվան վերջնական ախտորոշումը կտրվի դատաբժշկական փորձաքննությունից հետո»,- ասված է հայտարարության մեջ:
Նշենք, որ, մամուլի հրապարակումների համաձայն, երեխան ծեծի է ենթարկվել դպրոցում:
Հիշեցնենք, որ երեկ ArmLur.am-ը անձամբ զրուցել էր դպրոցի տնօրեն Գայանե Սաֆարյանի հետ, որը ներկայացրել էր, թե ինչպես է տեղի ունեցել դեպքը:
.gif)
